ආදරය අන්දයි

නිල් පාටට ලස්සනයිලු

කලු කන්නාඩිය හැඩයිලු

අනේ නුඹේ බටර් පාර

මං ‍රැවටෙන් නෑලු ඔන්න

යලුවො මගේ කියයි මෙහෙම

"උඹේ කෙල්ල මාර ගති"ලු

ගති කියන්නේ මොකක්ද මම

තාම හොයයි දන්නේ නැතිලු

නිකමෙක් වී සිටියා මම

නුඹ ආවා මගේ ලොවට

අදුරු වෙච්ච මගෙ ලෝකෙට

ආලෝකය ගෙනාව නුඹ

‍රැකියාවක් සොය දීලා

සමාජයේ තැනක් දීලා

යාලුවො මට හොයා දීලා

ජීවිතයම වෙනස් කලා

ඇස් දෙක මගෙ නොපෙනුනාට

මගෙ ලෝකෙම දැන් එලියයි

මුලු ලෝකෙම නුඹේ ඇසින් 

බලන්න දැන් මට පුලුවන්

ආදරය අන්දයිලු..

කවුද කිවුවෙ දන්නේ නැද්ද?

දැන ගත්තොත් මට කියන්න

අනින්න දත් බඩට යන්න

-නුඹේ ඇසින් ලෝකය දකින මම-