වේගවත් අර්ද ශතකයක්...

හ්ම්.... අද කට්ටියට කියන්න යන්නේ වැදගත් කතාවක්... ඔය පුලු පුලුවන් තැන් වලින් වාඩි වෙන්නකෝ කට්ටියම... අනිත් අයට කරදර නොකර

ඔන්න එකමත් එක කාලෙක මාලන් කියලා අහින්සක හිත හොද කාටත් කරදරයක් නැති කොල්ලෙක් හිටියලු හාද... දැන් මේ කොල්ලා අවුරුද්දකට කලින් විභාගයක් එහෙම කරලා කම්මැලි කමේ ගෙදරට වෙලා ඉද්දි කොල්ල දැක්කලු sindiya කියලා වෙබ් පි‍ටුවක්.. දැන් ඕකේ එක එකා ලියන කතා සිංදු විස්තර එහෙම තියනවලු..මිනිහත් කියෝගෙන එහෙම යනවලු.. දැන් ඔහොම කියවද්දි මිනිහට හම්බුනාලු පොජ්ජෙගෙ අඩවිය කියලා බ්ලොග් පි‍ටුවක් දැන් කෝමින් කොම හරි පොජ්ජෙ අයියාවත් එකෙන් අදුන ගත්තලු.. දැන් කාලය හිමින් හෙමින් ගෙවීගෙන යද්දි දවසක්(2010-12-21) වෙනිදා පොජ්ජෙ අයියා අහනව මාලන් කොලුවගෙන් මෙහෙම

පොජ්ජෙ අයියා- මාලන් මල්ලි ඔයාට බ්ලොග් 1ක් නැද්ද
මාලන්- නෑනෙ මට ලියන්න බෑ කියවන්න විතරයි පුලුවන් ඒක හිංදා ලියන්නේ නෑ
පොජ්ජෙ අයියා- අපිත් පටන් ගද්දි ලියන්න නම් බෑ තමයි ඒත් පටන් ගත්තට පස්සෙ ලියන්න දේවල් එනවා පටන් අරන් බලන්නකෝ
මාලන්- ම්... බලමුකෝ

ඔන්න  ඊට පස්සෙ දවස් දෙක තුනක් එහෙම ගියාට පස්සෙ මාලන් කොලුවා යනවා blogger.com කියන වෙබ් පි‍ටුවට.. ගිහින් බ්ලොගයක් පටන් ගන්නව.. මල මගුලයි අරූට මුකුත්ම තේරෙන්නෙ නෑ.. අහගන්නත් කවුරුත් නෑ.. කෝම හරි තීක්ශන බුද්දිය පාවිච්චි කරලා වැඩේ ගොඩින් ගොඩ දාගන්නවා... දැන් ඔන්න ඊට පස්සෙ මිනිහා මේසෙ හපාගෙන කල්පනා කරනව මොනාද ලියන්නේ කියලා.. ම්හු.. මුකුත් මොලේට එන්නෙ නෑ.. පස්සෙ මිනිහා හිතනවා හැමදාම ඔය අලුත් අලුත් දේවල් ගැන බල බල ඉන්නෙ එකේ ඒවා ගැනවත් ලියනවා කියලා දානව පෝස්ට් 1ක් මෙහෙම.. දැන් වැඩේ හරි.. පස්සෙ මාලන් කොලුවා යනවා ආයෙම sindiya.com අඩවියට ගිහිල්ලා ඒකෙ තමන්ගෙ බ්ලොගේ වගෙ එක රෙජිස්ටර් කරනවා මල මගුලයි මොකද යකෝ rss කියන්නේ දැන් ඉතින් මෑන් පැය ගනන් හොයනවා rss ගැන බැරිම තැන කාගෙත් හිතවතා google.lk දෙවියගෙන් අහපුවම උත්තරේ හම්බෙනවා.. ඉතින් ඒකත් දාල ඒ වැඩේ ඉවර කරගන්නවා.. ඔහොම SBU එකෙත් ඕකම කරනවා....

දැන් ඔන්න මිනිහා බ්ලොග් ලියනවා සතියකට එකක් වගෙ.. ඒත් හැම දාම කියවනවා ඔන්න ඉතින් කියෝගෙන කියෝගෙන යද්දි මිනිහා දකිනවා සීතල කතාවක්.. ඉතින් මිනිහා දානව කමෙන්‍ටුවක් කතාව ලස්සනයි කියලා... ආ.. කලින් කියන්න අමතක උනානේ මූ හෙන පන්ඩිතයා නම මාලන් උනාට දාල තිබ්බේ MaRlaN කියලලු හරිද ඔය හේතුව හින්දම ඒ වෙනකොටත් දෙන්නෙක්(සංජු ටීච , කොට අක්කා) මගේ නම "මැරියං" කියලා ප්‍රකාශ කරලා තිබ්බෙ හරිද... හා හා ආයෙ කතාවට දැන් ඔන්න මිනිහා සීතල කතාවේ කමෙන්‍ටුවක් දැම්මට පස්සෙ කතාවෙ අයිතිකාර හිතුවක්කාරි තුන් වෙනි පාරටත් උගේ නම "මැරියන්" කියලා ප්‍රකාශ කරනවා හරිද දැන් මිනිහට හෙන මල ඇයි දෙයියනේ හෙන ගහන්න වගෙ ෆොටෝ එකකුත් දාල තියන එකේ මුංට හොයාගන්න බැරිද මෙච්චර ලස්සන වැදගත් කොල්ලෙක්ට මැරියං කියලා නමක් දානවද කියලා... දැන් ඔන්න මිනිහා ප්‍රකාශ කරනවා මම මැරියන් නෙමේ මම "මාලන්" කියලා හාද... ඔන්න ඊට පස්සෙ මූටත් එපා වෙලා වෙනස් කරනවා නම MaRLaN කියලා.. ඊටත් පස්සෙ  අන්න හිතුවක්කාරි සමාව භාජනේක දාලා කමෙන්‍ටුවකුත් ඉදිරිපත් කරනවා... ඉතින් මූ හොද කොල්ලනේ මුගේ හිත උනූ වෙලා යනවා... මූත් ඉතින් කමක් නෑ කියලා ඉන්නවා.. ඉද්දි දකිනවා හිතුවක්කාරිගේ මූනු පොතේ ලින්ක් එක.. දැන් ඔන්න මෑන් ආරදනාවක් දාන්නත් ගිහින් කල්පනා කරනවා මේ අක්කා මේක ඇක්සෙප්ට් කරයිද කියලා( ඒ දාල තිබ්බ ෆොටෝ එකේ හැටියට අවුරුදු 25ක් විතර කියල තමයිලු මම හිතුවේ).. කමක් නෑ දානව කියලා ඔන්න ඒකත් දානවා...

ඔන්න දැන් තමයි කතාවේ ත්‍රාසජනක කොටස පටන් ගන්නේ...

ආරාදනාවට දවස් දෙක්කට පස්සෙ ඔන්න අර අක්කා ආරදනාව පිලිගන්නවා මිනිහත් ඉතින් දැන් චැට් කරනවා.. කවදා කාපු මාලුද මූටත් ඉතින් හෙන හැපි.. ඔන්න දවස් දෙක තුනකට පස්සෙ අර මාලනයා අහනවා කෝමද ඕම ලියන්නේ කියලා අර අක්කගෙන්.. අක්කත් කියනවා හිතට ඉඩ දෙන්න කියලා හිත කියන දේවල් එහෙම්ම ලියන්න කියලා.. දැන් එතකොට උගේ බ්ලොගේ වේලි වේලි හිටියේ ඌත්  ඉතින් හිතට ඉඩ දීලා ලියන්න ගනන්වා 1 .... පස්සෙ තමයි දැන ගනෙන ඒ අක්කෙක් නෙමේ කියලා.. ඔන්න ඉතින් නිම්ශා නගාගේ කොටස එතනින් ඉවරයි... ආ විශේශයෙන් කියන්න ස්තූති කරන්න ඕනා සුරඟන ඇස් වලට අවසරය දීපු එකට...

ඔන්න ඊට පස්සෙ තමයි කුප්පයා/ඉශානි අක්කා කොටස පටන් ගන්නේ

ඉරුවාව අදුන ගත්තට පස්සෙ ඔන්න මූත් එක්ක වලිත් යනවා ඊටත් පස්සෙ ඉරුවගෙ අක්කදෝ කවුදෝ කියන ඉශානි අක්කත් මට ආරදනාවක් එවනවා අක්කටත් මම ආරාධවක් යැවුවා..  ඔන්න එයා තමයි මගෙ කවි වලට විචාර දෙන්නේ.. මෙලෝ එකෙක්ට කියවන්න් බැරි උනත් කවදාවත් නරකයි නම් කියලා නෑ

දැන් ඒක නෙමේ මෙතන තියන විශේශත්වය අර මාලන් කියන පොර(මමම තමයි) අද පෝස්ට් 50ක් දානවලු( මේක තමයි 50)

.............................................................................................................................................................

මුලින්ම මම මගේ අම්මටයි තාත්ටයි ස්තූති කරනවා මට මේ ජීවිතය ලබා දුන්නාට මට අකුරු කරවන්න මහන්සි උනාට මන් ලගින් හිටියෙ නැතත් මං ගැන හොදට හොයලා බලලා මාව හොද ලමයෙක් කලාට.. ඔව් ඒ දෙන්නා නැත්නම් මම අද මෙච්චර දෙයක් කරන්නේ නෑ...

දෙවනියට මගේ අක්කලා දෙන්නට ස්තූති කරනවා එහෙ මෙහේ ගිහින් බාල්දි දාගෙන එද්දි මාව බේරගන්න ලගින් හිටියට, අම්මට තාත්තට පස්සෙ ඒ වගේ සෙනෙහසක් ආදරයක් ලගින් ඉදන් මට ලබා දුන්නට

තුන් වෙනියට පොජ්ජෙ අයියාට ස්තූති කරනවා මට මේක පටන් ගන්න කිවුවාට.. මගේ බ්ලොගේට පලවෙනියට පැමිනුනාට

හතර වෙනියට නිම්ශා නංගිට(බ‍ටු ඇටේට) ස්තූති කරනවා ඇහැට පේන්නෙ නැති සයිස් එකට ඉදගෙන මට හිතට අහුම්කන් දෙන්න කියලා දුන්නට සීතල ඇස් හී ක්‍රිශ් වර්ශන් එක ලියන්න අවසරය දුන්නට

පස් වෙනියට සොදුරු සිත ලියන වත් අක්කට ස්තූති කරනවා... මම ලියන්න හුරු උනේ ඒක කියවලා...

හය වෙනියට රත්ගමයා- ඉශානි අක්කා දෙන්නට ස්තූති කරනවා මගේ කවි වලට විචාරයන් දෙනවට වලි දාගන්න එනවට

හත් වෙනියට කොට අක්කට, මදුරංග අයියට, දිල්ශාන් අයියට,  ගෞතම්ට, පිනිබිදු අක්කට, සදරු අයියට, සුලැගිල්ලට(මගෙ නෙමේ), ඒරන්දිට හැමදාම මගෙ බ්ලොගේට ඇවිත් කමෙන්‍ටුවක් දාලා යනවට

අට වෙනියට මගෙ පස්සෙන් එලෝන 35 දෙනාට

අර්ද ශතකයට උදවු කල සැමට ස්තූතියි!

 චතාරික සමයේ පාටි දෙන්නේ නැත