උඹලට මේ මොකද උනේ...?

මම ආසයි උඹල එක්ක හොදින් ඉන්න...

මට ඕන උබල එක්ක හොදින් ඉන්න..

උඹල නැති ජීවිතයක් මට හිතාගන්නත් බෑ...

මට මතකයි, ඉස්සර උඹලා 

ගස් ගල් වල රූප ඇද ඇද

සත්තු එක්ක සෙල්ලම් කර කර

මට කරදර කරන්නෙ නැතුව කොච්චර ලස්සනට උන්නද?

කොච්චර මට ආදරේ කලාද?

ඒත් උඹලට මේ මොකද උනේ..?

මට තාම හිතාගන්න බෑ..

දැන් ටික කාලෙක ඉදන් මට හරියට රිද්දනවා

මාව හරියට තුවාල කරනවා

මගෙන් ගන්න තියන ඔක්කොම අරගෙන 

උඹලා මාවම විනාස කරනවා..

ඒත් ඒ දවස් වල මං උඹලට මුකුත් කිවුවෙ නෑ..

ඒ උඹලට මගෙ තියන ආදරේට..

උඹල නොදන්න දෙයක් තමයි 

උඹලා මාව විනාස කරනවා කියන්නේ

උඹලවත් විනාස කරගන්නවයි කියන එක..

මට දැන් හොදටම අමාරුයි

මේ වුන තුවාල හොද කරගන්න ඕනා

ලේ ගලන තැන් නවත්තන්න ඕනා

ඔව් මේක කරන්න අමාරුයි

මං උබලට රිද්දන්නේ නැතුව ඒ දේ කරන්න ගියත් 

ඒ දේ කරන්න අමාරුයි

උඹලට රිදෙයි, සමහර විට උඹලා මැරෙයි

ඒත් මං මේ දේ කරන්නම ඕනා

උබල වෙනුවෙන්ම

අනේ මට සමාවෙයල්ලා

නිමිත්ත- ජපානයේ සිදු වූ බූමි කම්පාව හා ඒ ආශ්‍රිතව ඇති වූ සුනාමි තත්වය... :(